Nabawi sa Ukraine ang patay nga lawas sa 1,212 nga mga sundalo nila human ang natigayon nga prisoners exchange kon pagbayloanay og mga bihag nila sa Russia.
Sa laing bahin, nadawat usab sa Russia ang 27 ka patay nga lawas sa ilang mga bihag nga sundalo nga gikan sa Ukraine.
Ang prisoners exchange napahigayon isip resulta sa peace talks nga gihimo sa Turkey niadtong miaging Domingo.
Sa maong kasabutan, nagkauyon ang duha ka kampo nga mag-ilisay og 6,000 ka lawas sa ilang mga sundalo nga nangamatay.
Apil usab sa kasabutan ang pagpagawas sa mga bihag nga masakiton ug grabeng samaran, nga gikonsidera nga prisoners of war.
Kahinumduman nga niadtong Lunes gihimo ang unang hugna sa pag-ilisay, samtang sa Biyernes ipahigayon ang pag-ilisay og mga samaran nga bihag sa gubat.
