Safe ang barko og ang sakay niini nga Filipino seafarers human miagi sa Strait of Hormuz, ang agianan nga gisirado sa Iran sukad nga nagsugod ang gyera batok sa US og Israel kaniadtong Pebrero 28.
Sa mga hulagway nga gipaambit online, makit-an ang mga seafarers nga malipayon ang nawong og adunay gigunitan nga placard nga adunay nakasulat nga, “I was in Strait of Hormuz, the Gate of Tears.”
Kagahapon, Abril 2, gi-anunsyo sa Department of Foreign Affairs (DFA) nga gitugotan sa Iran ang luwas nga paglabay sa Philippine-flagged vessels og Filipino seafarers sa maong maritime chokepoint.
Kini nga development ang human sa pag-istoryahanay nilang Foreign Affairs Secretary Ma. Theresa P. Lazaro og Iranian Foreign Minister Seyed Abbas Araghchi samtang nagapadayon ang gyera sa Middle East.
