Gibuksan sa gobyerno sa Ukraine ang usa ka bag-ong sistema sa tulunghaan sa Kharkiv, nga gitukod sa ilawom sa yuta tungod sa nagpadayon nga pagpamomba sa Russia.
Matod sa lokal nga kagamhanan, mokabat sa 17,000 ka mga tinun-an ang nagtungha karon sa pito ka underground schools sa dakbayan, samtang tulo pa ang gipaabot nga ablihan sunod tuig.
Ang pipila ka mga estasyon sa tren gihimo nga temporaryo nga mga lawak-klasehanan aron ibalik ang normal nga kinabuhi sa mga bata.
Adunay paglaom nga ang Ukraine ug Russia maghimo ug panaghisgot sa kalinaw, daghang ginikanan ang miangkon nga layo pa ang normalidad.
Hinuon, gusto nila nga masinati sa ilang mga anak ang kasinatian sa aktuwal nga pag-eskwela.
Bisan pa sa kapeligrohan, ang mga ginikanan, mga magtutudlo, ug ang gobyerno nagpadayon sa pagtrabaho pag-ayo sa pagpadayon sa edukasyon taliwala sa panagbangi.
