GENERAL SANTOS CITY – Nahibulong mga tawo nganong nasikop sa dakbayan ang mga tulo ka mga lider sa Communist Party of the Philippines-New People’s Army (CPP-NPA).
Ang mga naaresto mao silang Ruben Saluta, secretary sa National Propaganda Commission of the CPP Central Committee og ang kanhi secretary Panay Regional Party Committee (PRPC); Presentacion Cordon Saluta, labaw sa Komiteng Rehyonal Panay (KR- Panay) og Yvonne Losaria leader sa Sentro-De-Gravidad, Guerrilla Front 35, Southern Mindanao Regional Committee (SMRC).
Matud pa kang Kapitan Reynaldo Clapis sa Barangay Labangal ning syudad nga nakig-alayon kanila ang mga operatiba ng Criminal Investigation and Detection Gruop kon CIDG sa ipahigayon nga search warrant operation apan wala damha nga nga mga dagkong personalidad sa kumunistang grupo sa ilang lugar.
Ang mga nasampit ang nasikop sa Phase 5, Doña Soledad, Barangay Labangal human nga nakadawat og impormasyon ang mga otoridad kalabutan sa presensya sa mga nasampit sa maong lugar.
Nakuha gikan sa mga nasampit ang daghang mga armas susama sa tulo ka M16 rifles, usa ka M14 rifle, carbine daghang mga bala, hand grenade, mobile phones, laptop, flag sa kumunistang grupo og laing mga dokomento.
Si Ruben ang may standing arrest warrants gumikan sa daghang kasong murder og asawa niini nga si Presentacion ang wanted sa kasong rebellion sa Antique.
Samtang si Losaria ang may arrest warrant gumikan sa rebellion charges.
