Gideklara ni US President Donald Trump nga hapit na matapos ang malampusong usa ka bulan nga gubat batok sa Iran.
Sa iyang pakigpulong direkta gikan sa White House, iyang gipasigarbo nga ang “gamay nga panaw” sa US sa Iran halos nakab-ot na ang tanan nga mga tumong sa militar sa Amerika.
Sumala ni Trump, ilang giguba ang Navy sa Iran, nadaot ang ilang Air Force ug programa sa missile, ingon man ang ilang base sa industriya sa depensa.
Gipahayag ni Trump nga kining tanan makaparalisa sa militar sa Iran ug makaguba sa ilang abilidad sa pagsuporta sa bisan unsang mga grupo sa terorista aron dili na sila makahimo sa ilang bomba nukleyar.
Gitawag usab niya ang Iran nga “bully” sa Middle East, apan kini nga pagpangdaog-daog natapos na.
Gitawag usab ni Trump ang armadong pwersa sa US nga “talagsaon.”
Gipasalamatan usab niya ang mga kaalyado sa Middle East sama sa Israel, Saudi Arabia, Qatar, UAE, Kuwait, ug Bahrain.
Miingon siya nga kung matapos na ang gubat, mobalik na sa normal ang tanan, labi na ang pagsaka sa presyo sa lana.
Sa pagkakaron, sumala ni Trump, aduna pa’y mga diskusyon nga nagpadayon apan iyang giklaro nga wala silay tuyo nga usbon ang rehimen; kini nahitabo lamang tungod kay ang orihinal nga mga lider sa Iran namatay sa gubat.
