GENERAL SANTOS CITY – Ginatutukan karun sa General Santos City Police Office ang lain-laing angulo sa posibleng motibo sa pagpamusil patay sa mga biktima nga silang Agustin Gonzales ug Ramonito Evangelista sa miaging adlaw sa Marcos Avenue, Highway, Brgy. Apopong ning syudad.
Kahinumdoman nga nakigkita si City Director PCol. Jomar Alexis Yap sa pamilya ni Gonzales dungan sa makuting imbestigayson sa kapulisan.
Andam usab ang pamilya nga mokuoperar sa kapulisan aron dayong makuha ang hustisya.
Nagpahigayon usab og profilling sa mga biktima. Sa ilang inisyal nga nakuhang impormasyon, ang duha napriso kaniadto tungod sa ilang drug case og si Evangelista ang may kanhi kasong robbery with homicide.
Si Gonzales ang mipailawom sa Community Based Rehabilitation Program sa pagkakaron og kung mahuman plano magre-apply og trabaho sa LGU.
Dugang ni PCol. Yap giimbestigahan na usab ang motorsiklo nga dala sa mga biktima kung asa iya kini sa gobyerno.Kahinumduman gisundo ni Gonzales si Evangelista sa pag gawas niini sa City Reformatory Center sa Lanton, Apopong ayha natigayon ang pagpamusil kanila.
