-- ADVERTISEMENT --
GENERAL SANTOS CITY – Padayon ang training sa mga magtutudlo isip miyembro sa electoral board nga magserbisyo sa election sa Mayo 9, 2022.
Matud pa kang Atty. Jose Villanueva assistant regional director sa Comelec 12 nga kini aron may igong kasayuran ang mga nasampit sa pag-operate sa vote counting machines (VCMs) atol sa election.
Gikadugang pa niini nga bisag ang ubang magtutudlo ang kanhi na nga nagserbisyo sa election apan kinahanglan nga itudlo balik kanila basin nakalimtan na ang pag-operate .
Kahibaluan nga matag election ang pagtraining sa mga magserbisyo sa election ang hugot nga gitutukan gumikan mahinungdanon kini aron nga mahimong hapsay ang piniliay.
