GENERAL SANTOS CITY – Dili makaapekto sa nagpadayong training ni Sen. Manny Pacquiao ang isyu kabahin sa breach of contract.
Kini ang pahayag sa senador kalabot sa giatubang nga kaso tungod matud pa sa pagsupak sa gipirmahan niining kontrata.
Kahibaluan nga gipasaka ni Paradigm Sports Management Audie Attar ang kaso batok sa eight-division world champion tungod matud pa sa breach of contract dihang misugot nga makasangaka niya si Errol Spence alang sa WBC og IBF welterweight titles sa Agosto.
Sa pakighinabi sa Bombo Radyo, gibutyag ni Sen. Pacquiao nga una pa siya mipirma og kontrata gibutang matud pa sa unang linya ang mga pulong nga “All contract is valid “.
Dugang pa sa fighting senator nga gitubag na matud pa kini sa iyang legal team hinungdan walay angayang kabalak-an.
Samtang dihang gipangutana, wala mitubag si Pacquiao kalabot sa hagit kaniya ni Pangulong Rodrigo Duterte sa nga ihatag ang listahan sa mga pangalan sa tawo o goverment agency nga nalambigit sa korapsyon.
