Tibuok Tuna Litson sashimi gipilahan sa ‘Sugbahan sa Dalan’ sa GenSan

GENERAL SANTOS CITY – Daw nahimong piyesta ang downtown area human nga gidagsa sa gatusan ka tao ang ‘Sugbahan sa Dalan’ sa Pioneer Avenue dinhi sa dakbayan.

Ang maong aktibidad usa sa highlight sa Tuna Festival 2019 sa GenSan nga magtapos ning adlawa.

Gipang-apod apod sa mga residenteng gustong mag-bring home og sud-an ang kapin 1,000 ka isda nga giihaw og gipanghatag sa tanan.

Gipatilaw usab sa mga residente, mga bisita og turista gikan pa sa Japan, Thailand, New Jersey, USA og mga taga Pampanga ang 36 kilos nga tibuok nga tuna litson.

Gawas sa mga isda, adunay mga nagkadaiyang sea foods usab nga gisugba sa dalan.

Nahanaw nga daw sa bola ang ang nga sashimi nga libreng gipanghatag sa publiko.