Magpahigayon usab ang Taiwan ug military drill, isip tubag sa miaging military drill nga gihimo sa China sa maong estado.
Niadtong Abril 1, gisugdan sa People’s Liberation Army (PLA) ang bag-ong drill sa nasangpit nga isla, nga naglakip sa live-fire exercise sa kadagatan nga sakop niini.
Matod sa gobyerno sa Taiwan, sugod karong adlawa, ang lain-laing commands niini mopahigayon og simulate military operations nga nakasentro sa Chinese People’s Liberation Army (PLA) forces.
Ang mga simulation sa militar naa sa lainlaing mga kapasidad, sama sa mugbo nga mga panagsangka hangtod sa kusog nga mga panagbangi.
Sumala sa Taiwan Ministry of National Defense – Joint Operations Planning Division Director Major General Tung Chi-hsing, ang drill molungtad hangtod Abril-18, nga bahin niini ang posible nga paggamit sa Joint Theater Level Simulation Platform ang maong drill gipaabot nga masulayan ang abilidad sa mga Taiwanese commanders sa paggamit sa ilang military asset sa nagkalain-laing operasyon.
Pipila ka mga asset sa militar nga gipalit sa Taiwan gikan sa US sama sa mga tangke sa gubat, artillery rocket system, guided missiles, ug uban pa gilauman nga gamiton sa maong drill.
