GENERAL SANTOS CITY – Kwestyunable sa mga otoridad nganong nagpakatag og impormasyon si Purok chairman Micheal Macani nga adunay mga armadong lalaki ang nahidangat sa Sitio Kiyayay Pangyan Glan Sarangani sa milabay nga gabie.
Sa programang Good Morning Philippines, gibutyag ni P/C/Insp. Niel Wadingan ang chief of police sa Glan Municipal Police Station nga may ‘inconsistency’ ang mga pahayag ni Prk. Chairman Macani dihang giimbestigahan kalabot sa insidente.
Matud pa, miangkon kanila si Macani nga namakak tungod pito lamang matud pa ka armadong lalaki, sukwahi sa unang pahayag nga 17 katao.
Gisusi usab sa mga otoridad ang langub nga matud pa gihimo ng kampo sa mga armading lalaki apan sumala pa ni Wadingan imposible kini tungod dili matud pa makaigo didto ang 17 katao.
Samtang kabahin sa sulat nga gibilin sa Prk. chairman, namahayag si Macani sa otoridad nga nagisi na matud pa kini apan gibutyag nga lahi-lahi nga pinulongan ang nakasulat hinungdan nga dili masabtan.
