GENERAL SANTOS CITY – Negatibo ang migawas nga report nga matud pa nabalik na sa selda sa Malungon Municipal Police Station ang nakaikyas nila nga piniriso.
Kini ang gikumpirma sa hepe sa maong presinto nga si Police Senior Inspector Richard Pabalinas. Matud pa, hangtud karon wala pa silay lead kung asa na karon nagtagu-tago si Junifer Zabala.
Hinuon, gibutyag sa opisyal nga padayon ang hugot nilang monitoring sa mga lugar nga posibleng gihimutangan sa maong piniriso dinhi sa Socsargen Area o kaha sa Lungsod sa Davao aron nga mabalik na kini sa selda.
Si Zabala ang nag-atubang og patungpatong nga kaso human nga gipasakaan sa Malungon Munucipal Police Station. Nasayran usab nga nakadunggab ang nasampit sa Malungon sa nakalabayng bulan.
kahibaluan nga nakaikyas sa kamot sa mga pulis ang suspek human nga gidala sa Doctor Jorge P Royeca Hospital aron matambalan.
