Misaad si Iran Supreme Leader Ayatollah Ali Khamenei nga ipanimalos ang kamatayon sa political leader sa Hamas nga si Ismail Haniyeh.
Sumala sa mga taho nga gimando sa lider sa Iran ang pag-atake direkta sa Israel, kinsa gipasanginlan sa Hamas ug Iran sa kamatayon ni Haniyeh sa Israel.
Samtang ang Israel, wala mikumpirma o gipanghimakak hangtod karon kung kini adunay kalabotan sa pagkamatay sa lider sa Hamas.
Bisan pa nga si Israeli Prime Minister Benjamin Netanyahu misaad nga sila magpadayon sa pagpakig-away ug siya miingon nga ang ilang nasud andam alang sa bisan unsa nga senaryo ug usab mipahibalo nga sila nakahimo sa pagsukol ngadto sa ilang mga kaatbang.
Samtang, liboan ka mga tawo ang nagtapok sa Tehran, ang kapital sa Iran dungan sa pagpahigayon sa prosesyon sa patay nga lungon sa lider sa Hamas sa mga kadalanan kung asa ang Iran Supreme leader nangulo sa prayer service alang sa gipatay nga Hamas leader.
