SARANGANI – Full Support ang Munisipyo sa Alabel sa nagpadayong vaccination hilabi ngadto usab sa mga vaccinators.
Matud ni Dr. Jana Micheelle Bron sa DOH, Rural Health Unit, Alabel Sarangani nga adunay gihatag nga food allowance ang lokal nga panggamhanan sa ALabel ngadto na sa mga Vaccinators pinaagi sa paghatag ug mga pack lunch kung adunay vaccination nga ipahigayon ug gipagamit usab sa Munisipyo ang mga ambulansya.
Samtang gidugangan usab sa DOH ang ihap sa mga vaccinators aron mas mapadali pa ang mga opersayon.
Samtang padayon usab ang komunikasyon tali sa mga vaccinators ug mga magtutudlo sa tulunghaan sa paghatag ug mga booster o bakuna niadtong gustong magpa-vaccine nga mga estudyante kung asa makita gihapon ang mga vaccination areas sa mga tulunghaan.
Ang mga magtutudlo lamang ang maghatag ug schedule ngadto sa mga vaccinators kung aduna bay mga estudyante ang gustong magpa bakuna.
