Malaumon ang Sugar Regulatory Administration (SRA) nga ang produksiyon sa asukal motubo sa labing menos lima ka porsyento (5%) karong panahon sa pagpananom.
Base sa projection sa SRA, ang kinatibuk-ang produksiyon sa asukal karong panahona mahimong moabot sa 1.837 milyon metriko tonelada, mas taas og gamay sa inisyal nga banabana nga 1.782 milyon MT.
Matod ni SRA Administrator Pablo Luis Azcona, ang produksiyon sa pagkakaron niabot na sa 1.815 milyones MT nga asukar samtang nagpadayon pa ang recording sa dugang volume sa asukal.
Ang Visayas nagsilbi gihapon nga pinakadako nga prodyuser, nga nakatampo sa 71% sa karon nga produksiyon samtang ang Mindanao nakatampo og 24%.
Singko porsiyento lang ang produksiyon sa Luzon, kon itandi sa produksyon karon.
Matod ni Azcona, ang gamay nga pag-uswag sa produksiyon sa asukal karong panahon sa pagpananom bisan pa sa epekto sa El Niño, lakip na ang daghang pagbuto sa bulkang Kanlaon nga nakaapekto sa mga umahan sa tubo sa Kabisay-an.
Mao sab ni ang mga rason nganong niubos og gamay ang projection sa SRA karong panahon sa pagpananom.
Ang rason sa gamay nga pagtubo kay tungod sa mas taas nga tubo sa matag ektarya nga gitamnan o mas taas nga volume sa tubo nga naani kada ektarya, itandi sa gidaghanon nga naani sa miaging mga panahon.
