Gideklara na sa pipila ka mga lugar sa Pilipinas ang state og calamity tungod sa kadaut nga hatud sa walay hunong nga mga pag-ulan. Lakip niini ang Cavite, Cebu City, Sebastian, Antique, Malabon City, Quezon City, Metro Manila; Calumpit Bulacan, Munisipalidad sa Malasiqui ug Umingan sa probinsya sa Pangasinan.
Tumong niini nga magamit na sa mga local government untis ang ilang calamity fund. Magpatuman usab sa maong mga lugar og price freeze sa mga batakang palaliton.
Subay niini gipaniguro ni Office of the Civil defense Acting Administrator Assistant Secretary Raffy Alejandro nga naka-full alert na karon ang National Disaster Risk Reduction management Council tungod sa daot nga panahon dungan sa ilang pag-monitor ang nagkalain-laing lugar sa Pilipinas ilabina kadtung mga apektado sa hanging habagat.
Sa kasamtangan, nakadeploy na ang 15 mil ka mga search and rescue unites gikan sa Armed forces of the Philippines, Philippine Coast Guard ingon man sa Philippine National Police, lakip na usab ang Clearing Team gikan sa Department of Works and Highways ingon man sa Bureau of Fire Protection.
Sumala ni Alejandro nga anam silang mohatag og air ug transportation supports.
Sa kasamtangan, anaa na sa 22-mil kapin ka mga indibidwal ang apektado sa mga pagbaha.
