GENERAL SANTOS CITY – Nagdeklara na ug state of emergency si Governor Rick Scott sa Florida, samtang gapaduol ang Hurricane Irma nga nagpabilin gihapon sa category 5.
Kini ang gibutyag ni Jock Gobel, taga-Baguio ug kasamtangang gatrabaho sa Orlando, Florida, sa mensahe niini sa Bombo Radyo Gensan.
Sumala pa nga giseryoso karon sa ilang gobyerno sa pag-atubang sa mga posibleng mahimong akdaot nga resulta sa bagyo sa ilang lugar, lakip na ang mga lakang nga kinahanglang ipatuman aron mapaniguro nga luwas ang ilang katawhan.
Ug gani, nagpatuman na ug mandatory evacuation sa daghang lugar sa Florida, hilabi na sa Key West, ang southern most part sa nasampit nga US state.
Samtang, aminado si Gobel nga apektado kini pag-panic buying sa mga residente doon, kung asa halos nangahurot na ang suplay sa pagkaon ug tubig sa mga grocery stores, ug hilabihang kataas ang pila sa mga gas stations.
Gawas niini, problema usab matud pa ni Gobel gumikan kasamtangang walay kakuhaan ug pangpalit ug pagkaon ug tubig, human nga temporaryong gipa-cancel ang kaniyang credit card, human mabiktima ng fraud and unauthoprized transaction, ug human pa sa lima hangtod 10 ka adlaw una kini subling makuha.
