Magpadala ang Estados Unidos og libuan nga dugang marino og sundalo sa Middle East samtang nagpadayon ang tensyon sa rehiyon, sumala sa mga opisyal sa US.
Sigon sa mga masaligan nga tinubdan nga muabot sa kapin kon kulang 2,500 Marines ang lakip sa expeditionary unit nga mas sayo nga ipadala gikan sa West Coast sa Amerika.
Tumong matud pa niini nga pakusgon ang kapasidad sa US para sa posibleng operasyon sa rehiyon, bisan og wala pay desisyon nga magpadala og tropa sa sulod sa Iran.
Dugang pa sa taho dunay kapin singkwenta mil ka US troops nga una nang naka-deploy sa Middle East, ug nadugangan pa kini og mga Marine Expeditionary Units.
Sumala usab sa mga opisyal, posibleng gamiton ang mga nasangpit nga pwersa para sa uban pang mga operasyon, lakip na ang airstrikes o ground deployment kung gikinahanglan.
Samtang gitaho usab nga alisdan sa USS Bush ang aircraft carrier USS Ford human malangay ang operasyon niini tungod sa ‘maintenance’ ug pagkadaot.
