GENERAL SANTOS CITY – Gapanawagan ang Social Security System (SSS) sa publiko sa pensioners nga magreport sa ilang opisina.
Matud pa ni Noel Nacion, senior analyst sa SSS GenSan nga kabahin kini sa ilang programa nga gitawag nga Annual Confirmation of Pensioners (ACOP).
Sa iyang pamahayag nga sa Marso 31,2022 ang deadline sa pagreport sa mga pensioners susama sa mga gapuyo sa abroad, may total disabilities og gadawatan og death claim pensioners.
Gibalik ang maong programa gumikan luag na ang mga patakaran gumikan sa COVID 19.
Kung dili makareport maundang ang pagdawat og pension sa mga nasampit.
Gibutyag ni Nacion nga dili na magreport sa ilang opisina ang mga pensioners nga gapuyo sa nasud nga 85 anyos paubos.
Ang mga partial disabilities pensioners ang dili na lakip sa maong programa.
Samtang ang ilang opisina ang nakig-alayon sa Philippine Statistics Authority (PSA) aron nga ipasa sa ilang buhatan ang mga records sa mga natala nga mga namatay.
