GENERAL SANTOS CITY – Gibutyag ni City Administrator Atty. Franklin Gacal nga prayoridad sa iyang katungdanan ang pagmugna ug Special Economic Zone sa dakbayan sa Heneral Santos.
Gatuo si City Administrator nga kinahanglan muimbita ug mga investors gikan sa gawas sa nasud dinhi sa siyudad aron mahatagan ug daghang mga trabaho ang mga katawhan sa Gensan ilabi na nga very dependent ang dakbayan sa fishing industry.
Ginalantaw usab karon sa opisyal ang posibilidad nga magpatukod ug imprastraktura nga mahimutang sa usa ka dakong area sa siyudad ilabi na sa Barangay Bawing nga mahimong Special Economic Zone kung diin ang mga investors gikan sa kaulihan o maski na sa gawas sa nasud muadto na sa Gensan.
Dugang sa City Administrator, kung aduna nay Special Economic Zone ang dakbayan, ang tanan nga mga stakeholders kon mga negosyante nga gusto magbutang ug negosyo sa economic zone, mamahimong kapin o kulang 5% lang ang ilang taxes nga mabayran.
Busa, kini mag-awhag sa mga dagkong negosyante ug manufacturers nga mag-invest sa dakbayan.
