Nag-andam karon og criminal charges si Davao 1st district Representative Pantaleon Alvarez batok kang House Speaker Martin Romualdez, Ako Bicol Rep. Elizalde Co og Zamboanga Rep. Mannix Delipe kabahin sa ginakwestyong Bicameral Conference Committee Report kalabotan sa 2025 General Appropriations Act.
Katambayayong ni Alvarez sa mamahimong pagpasang-at og reklamo si Atty. Ferdinand Topacio, Citizens Crime Watch president nga si Diego Magpantay ug uban pa.
Gihingusgan sa kanhing House speaker, nakaangkon og mga singit nga pondo sa national budget nga dili usab lakip sa mga naaprubahan sa bicameral conference committee. Posibleng ipasang-at ang kaso sa mas daling panahon.
Apan una nang gidepensahan sa pipila ka opisyal sa Kamara ang mga pagbag-o sa budget bill.
Gihingusgan ni House Appropriations committee acting head og Marikina Rep. Stella Luz Quimbo, nasunod ang mga angayang proseso sa bicam, sukwahi sa mga pagsaway sa pipila ka kritiko.
Gibarugan usab ni Quimbo nga walay blangko sa enrolled bill, bisan personal pa kining tan-awon sa mga kritiko.
“The enrolled bill is in the Archives of the House.
Sana po ay makabisita po kayo doon para kayo na po ang mag-validate na nandoon po ang enrolled bill. Publicly available po. Anyone can visit the archives para kayo na po ang mag-confirm na naroon po ang enrolled bill. And our review of the general appropriations bill at ibabangga po ninyo ang Bicam [Bicameral Conference Committee] report, makikita po ninyo na wala pong blangko sa enrolled bill,” wika ni Quimbo.
