Gisaad ni House Speaker Bojie Dy nga ablihan sa publiko ang mga dokumento kalabot sa pambansang badyet sa Kamara human sa iyang pakigpulong sa People’s Budget Coalition o PBC aron hisgotan ang mga reporma nga magpalig-on sa transparency ug malikayan ang posibleng pagbalik sa flood control scandal.
Nakigpulong si Dy kang Ken Abante, co-convenor sa People’s Budget Coalition, niadtong Nobyembre 4.
Sumala sa grupo, tumong sa pag-abli sa mga dokumento sa badyet nga hatagan og higayon ang civil society organizations ug ang publiko nga masuta kung asa gigahin ug giunsa paggamit ang pondo sa gobyerno.
Gipasalig usab umano ni Dy nga dili niya tugotan nga mausab ang flood control scandal ubos sa iyang pagpangulo.
Apan sumala sa PBC, padayon nilang bantayan kung tumanon ba sa House Speaker ang iyang mga saad.
Nahinumduman nga una nang namatikdan sa grupo ang giingong mga red flags sa 2027 national budget nga ilang gipresentar sa Senado.
