Gihangyo ni House appropriations committee chairman Rep. Zaldy Co ngadto sa Philippine Charity Sweepstakes Office (PCSO) nga ilang bayran ang ‘professional fees’ sa mga doktor nga mosusi ug motambal sa mga kabus nga pasyente.
Gihimo ni Co ang sugyot sa budget briefing sa PCSO.
Gipaambit sa magbabalaod ang pipila ka mga hagit sa pagpatuman sa Medical Assistance for Indigent and Financially Incapacitated Patients Program (MAIPP) nga gidumala sa Department of Health (DOH).
Matod ni Co, adunay mga pundo nga gibutang sa mga tambalanan apan ang problema kay dili gusto sa mga doktor nga mabayran sa MAIPP ang ilang bayronon tungod kay gusto nila og cash tungod kay dili sila gusto nga maghulat og 30 ka adlaw.
Ang Appropriations panel Chairman nihatag ug gibug-aton sa panginahanglan sa hinanaling aksyon tungod kay ang katuyoan sa MAIPP nga programa mao ang paghatag ug dinaliang medikal nga pag-atiman sa mga kabus nga pasyente.
Matud pa niya, kinahanglan nga magtinabangay kita aron mahatagan ug tukma nga tabang ang atong mga katagilungsod nga nanginahanglan og tabang.
Gisugyot usab sa Bicolano nga magbabalaod ang paggamit sa mga corporate credit card aron mapadali ang proseso sa pagbayad sa mga doktor.
Nagtuo ang magbabalaod nga ang nasangpit nga lakang makapalig-on pa sa panagtambayayong ug pagsalig sa mga medical professional ug sa gobyerno aron masiguro nga mahatagan ug tukma nga medikal nga pagtambal ang mga pasyente.
