Gusto sa Department of Justice nga bawion ang mosyon nga bag-o lang gisang-at sa mga piskal kalabot sa hukom batok kang Congresswoman Leila De Lima sa kasong may kalabotan sa ilegal nga droga.
Diin gibawi ni Justice Secretary Remulla ang maong mosyon nga naghangyo nga balihon ang ‘acquittal’ sa kaso.
Ang mosyon nga gisang-at sa mga piskal sa Muntinlupa Regional Trial Court Branch 204 nagtumong nga balihon ang pag-absuwelto ni ML party-list Rep. Leila De Lima.
Base sa pamahayag ni Justice Secretary Remulla, matod niya nga nakigsulti na siya sa Prosecutor General kalabot sa maong lakang.
Diin iyang gimando ang pag-atras sa mosyon sa mga piskal, nga nag-ingon nga kini naimpluwensyahan lamang sa usa ka agenda sa politika.
Angayang hinumdoman nga ang Department of Justice Panel of Prosecutors bag-o lang misang-at og ‘motion for reconsideration’ batok kang Congresswoman De Lima.
Ilang gihangyo nga tukion pag-usab ang desisyon sa Muntinlupa RTC ug ideklarar kini nga ‘guilty’ sa kaso.
