GENERAL SANTOS CITY – Sugdan na ugmang adlawa Hunyo 8, 2020 ang paghatag sa social pension sa mga senior citizen sa dakbayan.
Gibutyag ni Celso Mendoza, labaw sa Office of the Senior Citizen Affairs (OSCA) nga hangtud sa Hunyo 13, 2020 ang schedule kung asa ang pagpanghatag ang ipahigayon kada barangay.
Buot ipasabot ang mga personahe sa city hall ang muadto sa barangay og muhulat ang mga senior citizen kung unsa ang oras sa ilang pag-adto sa barangay.
Gikasubo ni Mendoza nga dili ang tanang 13,000 kapin nga mga indigent senior citizens ang makadawat sa 500 kada bulan nga social pension kung asa anaa sa kapin sa 9,000 ang nalakip sa listahan.
Una niini gibutyag ni Rebecca Magante, labaw sa City Social Welfare and Development Office (CSWDO) nga m ukabat sa 13,139 ka mga indigent senior citizens gikan sa 26 ka barangay ang mahatagan sa social pension.
Anaa sa 9,931 ka mga benipisyaryo ang maoy pondo nga gikatakda ihatag samtang ang 2,271 ka slots ang wala pa napadala sa regional office sa Department of Social Welfare and Development Office (DSWD) og may nahibilin pa nga 487 nga pending sa central office.
Nasayran nga nagpahigayon og cleansing ang DSWD sa listahan sa mga social pensioners.
