GENERAL SANTOS CITY – Gisugdan na pagpanghatag sa Department of Social Welfare and Development (DSWD) ang P793 million nga social pension sa mga indigent senior citizens sa Region 12.
Gibutyag ni DSWD-12 Director Cezario Joel Espejo, nga ang naasoy nga pundo alang sa upat ka probinsya ug lima ka syudad.
Gani nagpadayon ang paghatag sa cash grants sa tibuok rehiyon sa 264,358 ka beneficiaries.
Matud ni Espejo nga matag senior citizen ang mudawat ug P3,000 bugti sa unom ka bulan nga pension gikan sa Hulyo hangtud sa Disyembre niining tuiga.
Adunay gipatuman nga estratihiya ang departamento aron pagamyan ang contact sa mga field personnel ug sa mga mudawat sa hinabang.
Estrikto usab nga ginasunod ang mga gipatuman nga regulasyon batok sa COVID 19 hilabi nga mga edaran ang mga nalambigit.
