Dugang siyam ka bag-ong kaso sa COVID 19 ang natala sa tibook rehiyon dose kagahapong adlawa . Sa labing ulahi nga data nga gipagawas sa DOH center for Heath SocSarGen region adunay usa ang nakarekober ug kini gikan s a Koronadal City.
Samtang ang siyma ka bag-ong kaso ang gilangkuban sa tulo nga taga general Santos, duha gikan sa Sultan Kudarat, duha usab sa South Cotabato ug usa sa Sarangani province.
Sa kinatibuk-ang rehiyon aduna nay 71,092 ka mga kaso ang natala sa SocSargen area samtang mitala na sa 68,358 ang mga nakarekober samtang mitala na sa 2,631 ang COVID 19 related deaths.
Nanguna nga may labing daghan nga aktibu nga kaso ang South Cotabato ug General santos nga adunay tig 27 ka kaso , pito sa North Cotabato, unom sa Sarangani province, ug duha sa Sultan Kudarat .
Hangtud karon nagpabilin sa alert level 2 ang Gensan ug Sarangani sugod sa Hulyo uno hangtud Hulyo kinse basi sa gipagawas nga kamandu-an sa Department of Health.
