Gipaniguro sa Department of Health (DOH) nga ang sistema sa panglawas sa Pilipinas makasagubang sa nagkataas nga kaso sa leptospirosis sa nasod.
Matod ni Health ASec. Albert Domingo, nag abri ang ahensya og hotline kung asa mahimong maka istorya ug mga doktor ang mga pasyente nga adunay leptospirosis.
Giawhag usab sa ahensya ang publiko nga magpakonsulta sa doktor kung adunay mga simtomas sa sakit.
Gikataho nga ang ward sa mga pasyente sa leptospirosis sa pipila ka mga tambalanan lakip na sa National Kidney and Transplant Institute adunay 67 ka mga pasyente nga na-admit, mao nga ang ilang gymnasium gihimong ward aron ma-accommodate ang ubang mga pasyente.
Nagsugod pagsaka ang kaso sa leptospirosis nunot sa bagyong Carina ug Habagat nga maoy hinungdan sa halapad nga pagbaha.
