GENERAL SANTOS CITY – Gipaklaro ni Retired Col. Renato Padua, regional director sa Land Transportation Franchising and Regulatory Board (LTFRB)12 nga gihulat pa ang desisyon sa Comelec kalabutan sa pagpadayon sa ilang service contracting program kon libreng sakay.
Matud pa kang Padua nga kini gumikan kinahanglan pa ang pagtugot sa Comelec nga makakuha ug -exemption gumikan sa panahon sa election gidili ang pagpanghatag og hinabang sa gobyerno nga posebling gamiton sa pulitika.
Gibutyag sa nasampit nga opisyal nga sa tibook rehiyon 12 adunay gigahin nga P250 million nga pondo .
Kahibaluan nga sa miaging tuig adunay susamang programa ang gobyerno nga Libreng sakay sa bahin sa jeep, modern jeepney, bus og laing mga pampublikong mga sakyanan.
Ang maong programa ang tabang sa gobyerno alang sa mga naapektuhan sa COVID 19.
