-- ADVERTISEMENT --
GENERAL SANTOS CITY – Nagpabilin pa sa Dr. Jorge P. Royeca Hospital ang usa ka senior citizen human nga naapil og kasunog dihang nidalaab ang kalayo sa ilang balay.
Giila ang biktima nga si Miguel Lumasad, 83 anyos nga nga taga Brgy. Sinawal ning syudad.
Nakaangkon ang nasampit og mga paso sa kamot og likod sa lawas ang biktima hinungdan nga nadala sa balay tambalanan.
Gibutyag nga dihang nakit-an nga nasunog ang ilang balay, nisulod ang maong tigulang aron unta salbaron ang mga gamit apan wala gisuwerte tungod nidako ang kalayo hinungdan nga napaso.
Hinuon wala nay angayang kabalak-an sa kahimtang sa apuhan human nga na tambalan na sa mga doktor ang mga samad nga naangkon.
-- ADVERTISEMENT --
