Pormal nang gitapos sa Senate Impeachment Court ang pre-trial conference may kalabot sa impeachment trial ni Vice President Sara Duterte ning adlawa, Huwebes, Hunyo 25, 2026.
Nagpasalamat si Senate Secretary Renato Bantug Jr., nga mao usab ang clerk of court sa impeachment court, sa mga miyembro sa prosecution ug defense teams tungod sa ilang kooperasyon nga nakatabang aron dali nga nahuman ang pre-trial conference sulod lamang sa lima ka adlaw.
Gipangunahan ni Batangas Representative Gerville Luistro ang prosecution panel gikan sa House of Representatives, samtang si Atty. Shiela Sison ang nanguna sa depensa ni Bise Presidente Duterte. Gidayeg usab sa duha ka panig ang tanang partido nga mitabang aron mapadali ang dagan sa proseso.
Mitambong usab sa seremonya ang Deputy Clerks of Court nga sila Atty. Marivic Laurel-Garcia ug Atty. Maria Valentina Cruz. Ang pagtapos sa pre-trial conference nag-abli sa dalan alang sa pagsugod sa aktwal nga impeachment trial batok kang Bise Presidente Duterte sa umaabot nga mga adlaw.
