Gi-imbitar sa Senate Blue Ribbon Subcommittee si kanhi President Rodrigo Duterte sa una nga hearing sa war on illegal drugs sa nasud sa Lunes, Oktubre 28.
Sa sulat nga gipadala sa presidente, gihangyo ni Senator Koko Pimentel nga Chair sa Subcommittee kang Duterte nga magpasa on or before October 25 sa iyang sworn statement ukon affidavit nga nagadetalye sa iyang kahibalo og posibleng partisipasyon sa maong drug war.
Sumala kang Pimentel, ang Blue Ribbon nagaimbestiga sa mga sala og kapalpakan sa mga government officers og mga empleyado og ang inquiry magasentro lang sa war on drugs ilawom sa Duterte og sa karon nga administrasyon.
Gawas kang Duterte, ginapaabot usab nga magtambong sa hearing silang Senators Ronald Dela Rosa og Bong Go nga kalabot sa illegal activities ilawom sa war on drugs.
Ginalauman usab nga magtambong si kanhi Senator Leila De Lima.
Gisiguro usab ni Senate President Francis Escudero nga mahimong patas ang hearing bisan pa nga nalambigit dinhi ang mga kaubanang senador.
Sumala kang Escudero, ang attendance sa usa ka president ukon kanhi presidente sa usa ka legislative inquiry ang dili na makakurat tungod nahitabo na usab kini kaniadto kang kanhi Presidente Benigno Aquino III kalabot sa isyu sa SAF 44.
Dugang niya, ang hearing mahimong tsansa sa usa ka tawo aron depensahan ang kaugalingon og atubangon ang mga naga-akusar kaniya isip kabahin sa due process.
