Gikatakdang tukion sa Senado ang hukom nga giluwatan sa Korte Suprema sa impeachment ni Bise Presidente Sara Duterte niadtong Agosto 6.
Si Senate President Francis ‘Chiz’ Escudero niingon nga importante nga dunay panahon ang mga senador sa pagtuon sa hukom. Dugang niya nga nagkasabot ang mga senador atol sa gipahigayong caucus aron hisgutan ang maong butang.
Nagtuo usab ang Senate President nga dili na kinahanglan nga magtawag ang Senado isip impeachment court aron botohan ang desisyon sa SC.
Kinahanglang tubagon sa Senado ang desisyon sa SC aron malikayan ang bisan unsang krisis sa konstitusyon.
Kahinumduman nga nipagawas og hukom ang SC nga ang impeachment nga gisang-at nakalapas sa probisyon sa konstitusyon nga dili molapas sa usa ka impeachment ang mahimong ipasaka sulod sa usa ka tuig.
