GENERAL SANTOS CITY – Human sa KAPA ug ALMAMICO kon ALAMCO, gipahimangnuan na usab sa Securities and Exchange Commission kon SEC ang publiko may kalabutan sa RIGEN MARKETING kon RIGEN nga usa na usab ka investment scheme.
Base kini sa gipagawas nga advisory sa komisyon batok sa Rigen. Base sa nahisgutang advisory, nakabase kini sa Tagum City, Davao del Norte ug miabot pa ang operasyon sa Davao Oriental ug Occidenntal, DAvao del Sur, GenSan ug uban gina-engganyo sa mga indibidwal ug grupo nga gapresenta sa Rigen ang publiko aron mag-invest sa ilang kompanya pinaagi sa online o walk-in solicitations.
Gikabutyag nga nalambigit ang Rigen sa pag-solicit ug investments ug gapasalig sa publiko ug tubo nga 400% sulod lamang sa usa ka bulan o sobra pa.
Base sa alegasyon, gi-operate sa usa ka personalidad nga gika-ingong ‘big players’ matud pa sa Forex and Crypto-Currrency Trading nga lisensyado matud pa sa Singapore.
Gumikan nalambigit ang scheme sa pagbaligya ug secutities sa publiko, gikinahanglan matud pa sa Rigen nga magparehistro sa SEC.
Hinungdan nga gipahimangnuan ang publiko nga mag-amping sa pag-invest sa ilang salapi sa maong matang sa investment scheme nga nalambigit sa pagbaligya ug dili rehistradong securities.
Gikabutyag nga ang mga salesman, broker o agents sa Rigen nga magbaligya ug mang-engganyo sa mga tawo nga mag-invest sa maong investment scheme nga gitanyag lakip ang pag-solicite ug recruitment ang makasuhan ug pabayaron ug multa nga mukabatb sa P5 million ug mabilanggo ug 21 ka tuig.
