-- ADVERTISEMENT --
Gitugotan sa Sandiganbayan Fifth Division ang mosyon sa prosekusyon nga usbon ang criminal information aron tangtangon si kanhing Department of Public Works and Highways o DPWH Secretary Manuel Bonoan isip co-accused sa mga kasong plunder ug graft nga giatubang ni Senador Jinggoy Estrada.
May kalabotan kini sa giingong anomalya ug kickback scheme sa mga proyekto alang sa flood control.
Una nang gipahayag ni Ombudsman Jesus Crispin Remulla nga mangayo ang iyang opisina sa korte nga i-drop ang mga kaso batok kang Bonoan aron mahimo kining state witness sa kaso.
Apan misupak ang pipila ka grupo sa maong lakang. Matod sa youth group nga SPARK, kinahanglan manubag ang tanang nalambigit sa korapsyon tungod kay pondo sa katawhan ang giingong nausik.
