Gilauman nga moatubang mismo sa Sandiganbayan isip testigo sa kaugalingong depensa si Leyte Representative Martin Romualdez sa P7.44-billion nga plunder case batok kaniya.
Matud sa iyang abogado nga si Atty Ade Fajardo, gusto ni Romualdez nga makaangkon og tiyansa nga depensahan ang kaugalingon sa korte human pormal nga gihuman sa Sandiganbayan third division ang pre-trial proceedings.
Mahimo usab nga iatubang sa depensa ang pipila ka security aide og driver sa co-accused nga si kanhi Ako Bicol Representative Zaldy Co, lakip si Orly Guteza, nga gikanayong gibawi ang ilang mga nauna nga pahayag.
Matod kang Fajardo, gibutyag ni Guteza sa bag-o niining gipanumpaan nga testimonya nga kabahin matod sa usa ka setup ang iyang nauna nga testimonya.
Gibanabanaang anaa sa 40 ang mga posibleng testigo sa depensa, apan mahimo pa kining magbag-o depende sa mga ebidensyang ilatag sa prosekusyon.
Nagpabiling nabilanggo si Romualdez sa Quezon City jail–male dormitory sa Payatas, samtang nagpabiling at-large ang tulo niya nga kaubang akusado nga si Co.
