Nakasuhan na sa pagsupak sa Comprehensive Dangerous Drugs Act of 2002 ang upat ka dinakpan sa City Drug Enforcement Unit sa Cagayan de Oro City Police Office /CDEU-COCPO ang piskalya ning syudad.
Kini human unang nakuhaan sa 290 gramos sa gituohang shabu nga halos nagkantidad sa P2 Million dihang gipaubos sa buybust operation sulod sa inn sa Brgy. 29 sa dakbayan sa miaging semana.
Gibutyag ni Capt. Emilita Simon, deputy spokesperson sa COCPO nga kabahin sa kasuhan sila alias “Robin”, 45 anyos nga nagpuyo sa Brgy. Iponan kinsa high-value individual/HVI; alias “Pedro”, 55 anyos, ulitawo,taga-Brgy.Bulua;alias “PJ”,60 anyos,minyo nga gikan sa Aloran, Misamis Occidental, ug alyas “Felly”, 44 anyos, minyo nga Brgy Balulang ning syudad.
Gawas sa gituohang shabu nabawi sa CDEU operatives sa mga dinakpan ang android cellphone, digital weighing scale, PhP1,200.00 buy bust money ug drug paraphernalia.
Nasuta nga si alias “Robin”kanhi na dinakpan sa susamang atraso kaniadtong 2015 ug nakagawas niadtong 2022 diin siya maoy nakuhaan sa 290 gramos sa shabu.
Si alias “Pedro” kanhi usab nabilanggo sa kasong murder.
Samtang si alias “PJ” may atraso usab sa illegal logging hinungdan nga nadakpan kaniadto.
Si alias “Felly” nadakpan usab nga naggamit kaniadto sa ilegal nga droga kuyog si “PJ”.
