Emosyonal ang sikat nga host nga si Robi Domingo sa iyang pagsaulog sa iyang adlawng natawhan.
Gisaulog ni Robi ang iyang ika-35 nga adlawng natawhan niadtong Setyembre 27, diin sa samang adlaw nag-post siya og video sa iyang social media, diin gihinumduman ang iyang mga nakat-onan sa kinabuhi ug na-realize sa iyang pagpakasal.
Giingon ang pangandoy lang ni Robi sa iyang adlawng natawhan mao nga maulian ang iyang asawa nga si Mauiqui kinsa nadayagnos nga adunay sakit nga autoimmune nga wala pa matino.
Suma pa sa aktor, depende pa sa doktor kung kanus-a makagawas ang iyang asawa sa tambalanan.
Bisan pa sa mga kapakyasan, nagpabiling positibo si Robi nga ang sakit sa iyang asawa kay usa lang ka hagit sa ilang kinabuhi nga molabay ug matuman usab nila ang ilang pangandoy nga makabaton og kaugalingong pamilya.
