Gipasiugda ni PLtCol. Patrich Elma ang hepe sa Traffic Enforcement Unit sa General Santos City, ang road safety advocacy isip kabahin sa kampanya aron mapalambo ang kahibalo sa publiko kabahin sa hustong paggamit sa kadalanan ug malikayan ang mga aksidente.
Matud ni Elma, dako’g tabang ang maong programa aron ma-edukar ang mga nalambigit sa mga aksidente sa trapiko kabahin sa basic rules ug policies sa pagmaneho.
Giingon niya nga pinaagi sa padayong information drive ug road safety seminars, mas masabtan sa mga motorista ug commuters ang importansya sa disiplina ug responsableng pagmaneho.
Dugang pa niya, importante nga masayran sa tanang road users ang ilang responsibilidad aron mapamenosan ang ihap sa mga disgrasya sa kadalanan ug mapadayon ang kaluwasan sa publiko
