-- ADVERTISEMENT --
GENERAL SANTOS CITY – Mapasalamaton si Dr. Lalaine Calonzo, City Health Officer ning dakbayan, human nga naghatag ang lokal nga panggamhanan sa Heneral Santos ug 12 ka ambulance.
Matud pa sa opisyal, nga ang mga maong ambulansya ang ipang-apod apod sa sa dose ka Rural Health Units (RHUs) ning siyudad.
Kini nga mga bag-ong ambulansya, dako ug tabang alang sa mga RHUs ning dakbayan kay mas mapadali na ang ilang pag-responde sa mga katalagman ug mga emerhensiya.
Gawas pa niana, nanghatag usab ug laing mga sakyanan ug ekipo ang gobyerno sa Heneral Santos alang sa nagkadaiyang mga departamento aron mas mapalambo pa ang ilang pag-serbisyo sa katawhan ilabi na sa panahon nga sila kinahanglan.
-- ADVERTISEMENT --
