-- ADVERTISEMENT --
Wala motunga si Batangas Rep. Leandro Leviste sa gi-awhag nga pag-atubang sa National Bureau of Investigation o NBI aron motubag ug maghatag og katin-awan bahin sa mga isyu nga iyang giatubang.
Gi-awhag sa NBI si Leviste aron magpasabot ug maghatag og klarong tubag kalabot sa giingong plano nga pagdiin ug pagdaot kang Executive Secretary Ralph Recto pinaagi sa gitawag nga “honey trap scheme.”
Imbis nga motunga mismo, iyang mga abogado lamang ang gipadala aron morepresentar kaniya.
Sa dihang gipangutana sa media ang iyang mga legal counsel kung anaa ba siya karon sulod sa nasud, “no comment” lamang ang ilang tubag.
Wala pa maghatag og dugang detalye ang NBI o ang kampo ni Leviste bahin sa sunod nga lakang kalabot sa iyang dili pagtunga.
-- ADVERTISEMENT --
