GENERAL SANTOS CITY – Gibutyag ni Bombo International Correspondent Pastor Ralph Garay sa North Carolina, USA nga masub-anon ang mga nahitabong mass shooting sa Amerika kung asa daghang kinabuhi ang nakalas.
Matud niini, tungod sa maong mga panghitabo usahay makahunahuna nga dili sila luwas tungod daghan ang posibleng mahitabo.
Gibutyag ni Pastor Garay, bisan ang mga Filipino Americans ang medyo naka-adopt na sa American lifestyle kung asa sama sa mass shooting sa Amerika, sa una-una lang may impact kini kanila apan paglabay sa pipila ka adlaw murag wala na kaayo mahisgotan ang panghitabo.
Kahibaluan nga usa problema sa mga estado sa Amerika ang may kalabutan sa regulasyon sa mga indibidwal nga gahupot ug armas.
Samtang, kabahin sa Pinoy nga naangin sa mass shooting, gikasubo sa Filipino community ang maong panghitabo.
