Dili pa kumpirmado ang kaso sa mpox sa Rehiyon-12 busa walay angay nga kabalak-an ang katawhan bahin sa maong sakit.
Matud ni Dr. Dyan Zubelle Parayao, Regional Epidemiology and Surveillance Unit head Medical Officer 4 sa Department of Health 12, angay nga buhaton sa katawhan mao ang pag-amping ug paniguruhon nga misunod sa mga lakang aron nga batukan ang maong sakit.
Panawagan sa maong opisyal nga angay usab nga paniguraduhin nga sakto ang mga nakuha nga mga impormasyon aron nga dili maghatag og kabalaka sa katawhan.
Gibutyag sa maong opisyal nga gipaabot pa nila ang resulta sa samples nga gipailalom na sa confirmatory test sa Research Institute for Tropical Medicine didto sa kaulohan Maynila.
Kini human nga nakitaan og mga sintomas sa mpox, sama sa rashes, hilanat ug pagkasamad sa ilang lawas ang mga gidudahang pasyente.
