GENERAL SANTOS CITY – Nanguna ang Polomolok, South Cotabato nga may labing daghang kaso sa COVID 19 base sa report kagabii sa DOH – Center for Health Development Soccsksargen Region.
Kahibaluan nga 48 ang nadugang sa listahan sa kaso sa COVID 19 sa Rehiyon 12 samtang 67 ang nakarekober.
Ang Polomolok ang adunay 23 ka kaso, 16 gikan sa Cotabato City, lima sa GenSan, duha sa North Cotabato, tag usa sa Sultan Kudarat og Banga, South Cotabato.
Sa katibuk-an 3,219 ang kaso sa COVID 19 sa Region 12, 691 ang active cases, 101 ang patay og 2,426 ang nakarekober.
Ang GenSan ang numer one sa Region 12 nga may labing daghang kaso sa COVID 19 nga mukabat sa 928, South Cotabato 814, Cotabato City 730, Sarangani 307, North Cotabato 254 ang kaso sa COVID 19 og 186 sa bahin sa Sultan Kudarat.
