Gihingusgan ni Kag. Dominador Lagare Jr., chairperson sa commitee on transportation sa Sangguniang Panlungsod nga base sa balaod angayang sa usa ka tawo usa lang ang prangkisa sa tricycle.
Sa pamahayag niini nga dili pwede nga i-tolerate ang gusto sa uban nga makaangkon og daghang prangkisa.
Sa pamahayag sa nasampit nga opisyal nga ang usa sa mga nag-apil sa rally batok kaniya ang adunay 10 ka prangkisa nga supak sa balaod.
Gikadugang pa sa sa nasampit nga opisyal nga kung unsa ang balaod mao ang angayang magpatigbabaw.
Iyang nasayran nga kaniadto adunay 32 ka prangkisa ang gihuptan sa usa ka tawo.
Sa pagkakaron padayon ang iyang panawagan sa mga tricycle drivers nga magkuha og prangkisa.
Kahibaluan nga atol sa session sa SP sa miaging adlawng Martes may nagprotesta batok kang Lagare nga gipanawagan ang iyang paghawa isip chairman sa commitee on transportation sa Sangguniang Panlungsod.
