GENERAL SANTOS CITY -Nagdumili sa pagpaklaro ang pulis nga naka-assign sa Glan Police Station human nga gireklamo nga nangulata ug usa ka motorista atul sa gipahigayong checkpoint sa Poblacion, Glan, Sarangani.
Ang maong pulis ang nailhan nga si Po1 Ryan Basalo. Kahibaluan nga midangop sa sibyahanan ang nagpangalan ang Jerme Calatao ug gireklamo si Po1 Basalo human nga nangulata kaniya.
Sa pahayag ni Calatao, gipahunong siya ni Po1 BAsalo sa checkpoint ug gipangitaan ug ID og OR/CR sa maneho nga motorsiklo.
Aminado nga walay bitbit sa maong nga dokumento niadtong tungura tungod nakalimtan dihang mipadulong sa uma.
Apan dihang gisultihan nga walay dalang ID og nangatarungan nga may kaila nga pulis, nasuko si PO1 Basalo og gisultihan siya nga usa ka wanted og basin miyembro sa NPA.
Ug gani gisultihan usab siya nin Po1 Basalo nga basin gikarnap ang motor og dayun gikulata siya sa makadaghang higasyon.
Aron makuha ang habig ni Po1 Basalo nituyo sa pag-adto sa Glan MPS ang Bombo Reporters apan walay naani human nga wala nagpakita ang maong pulis.
Una niini nitawag usab ang bombo sa Glan MPS og namalihog sa nasampit aron makuha ang iyang habig apan nagbutyag ang kaubang pulis nga nakatawag sa tawag nga dili gustong mamahayag ni Po1 Basalo kabahin sa reklamo batok kaniya.
