GENERAL SANTOS CITY – Nakasuhan pinaagi sa inquest proceedings ang Pulis nga dugay nang gipanid-an gumikan sa paggamitan sa gidili nga druga. Kaso nga pagsupak sa section 5 kon pagbaligya ang gipasaka batuk kang PO1 Romar Piolo 28 anyos nga nadestino sa Regional Public Safety Battalion 12.
Matud ni Police Supt. Maximo Sebastian sa Regional Drug Enforcement Group nga residente si Piolo sa Barangay Libertad, Surallah South Cotabato.
Matud ni Sebastian nga lakip nasikop ang ig-agaw sa pulis nga nagpangalan ug Jerson Piolo 27 anyos residente usab sa maong lugar.
Miaging adlaw nagpahigayon ug buybust operation silang Sebastian sa usa ka hotel didto sa Koronadal city ug nasikop ang nahisgutang Pulis ug ang ig-agaw nga nag-atubang ug kaso nga conspiracy.
Gikadugang sa opisyal nga gihugaw-hugawan lamang sa dinakpan pulis ang iyang tsapa.
