GENERAL SANTOS CITY- Mag-atubang sa Alarm and scandal ug kasong administratibo si PO1 Melvin Lamanero sa Bula Police Station human nga nagpabuto matud pa sa iyang issued firearm sa P.I. 16, Brgy City Heights ning syudad.
Sa pahayag sa Bombo Radyo ni City PNP Director Sr/Supt. Raul Supiter nga nagpabiling balhog sa selda si Po1 Lamero human nga boluntaryo matud pang misurender sa kapulisan.
Matud ni Supiter, medyo nakainom matud pa si Po1 Lamenero dihang gipabuto ang 9 mm pistol. Sa iyang pamahayag, gipaimbestigahan na ang maong insidente samtang angayang atubangon ni Po1 Lamenero ang mga kaso.
Gipahimangnuan ang tanang sakop dinhi sa dakbayan nga magtinarong sa ilang trabaho.
Gi-awhag ang katawhan nga gilayong isumbong sa kapulisan ang kinsa mang pulis nga nagbinuang o pasaway ingon man ang mga nalambigit sa iligal nga gimbuhaton aron ma-aksyunan og madisiplina.
Sa nakuhang pahayag sa Bombo sa San Isidro PNP nga wala matud pay complainant batuk kang Po1 Lamanero.
