GENERAL SANTOS CITY – Nakabsan na sa kinabuhi ang usa ka sakop sa RPSB-12 human nga gipusil sa usa ka barangay tanod sa Pigkawayan, Cotabato niadtong Hulyo 16.
Giila ni PO1 Kenneth Bueno sa Pigkawayan Municipal Police Station ang maong pulis nga si Po1 Noel Heroniano Jr.
Nakaangkon ang nasampit og samad sa kilid sa walang bahin sa lawas human nga gipusil sa tanod nga si Rafael Almonia Jr.
Matud kay Po1 Bueno, pipila ka adlaw nga nakigkumbati sa ospital si PO1 Heroniano apan wala naka-survive human nga nahunusan sa kinabuhi kagahapon.
Gikabutyag nga wala nagkasinabtanay ang duha nga nagresulta sa pagpusil sa tanod kay PO1 Heroniano.
Gikan sa frustrated murder , mahulog sa kasong murder ang gipasaka nga kaso batok sa tanod nga una nang nakapiyansa.
