GENERAL SANTOS CITY – Nagpadala ug representante si Gensan Mayor Lorelie Pacquiao aron himamaton ang prinsesa sa Thailand dihang nahidangat sa General Santos Airport.
Gipangunahan ni Executive Assistant Atty. Nikki Catolico kauban ang mga opisyal sa syudad, gitagbo sa airport si Royal Highness Princess Maha Chakri Sirindhorn ug mga kauban.
Kini tungod wala sa dakbayan ang Mayor nga mitambong sa Digital Cities Awards 2024 didto sa Cebu City.
Kuyog sa Mayor si First gentleman Bobby Pacquiao ug Dr. Leonard Flores, CEMCDO Department Head aron dawaton ang usa ka pasidungog nga gipresenta sa Department of Information and Communication kauban ang IT Business Process Association human giila ang kalampusan sa dakbayan sa Digital Cities Program.
Giila ang maong pasidungog sa mga paningkamot sa dakbayan sa mga oportunidad sa trabaho, pagpalambo sa sustainable economic growth, pagpalapad sa digital infrastractures og pagpatuman sa innovative collaboration sa tanang mga stakeholder niini.
